Yol dhaŋu ŋayam ?
Nyenam ŋaya bayiŋ yaka gapuŋa.
Ga ŋäpaki'warra yindi djäl nyäku maya'mayanhawu.
Waripum dhanal nhänany bayiŋ wapthuman bala rulandhunna do'ḻin.
Ga waripum nhänany dhanal bayiŋ djäma maniwuynha.
Yol dhaŋu ŋayam?
Ŋayam bayiŋ yaka ŋuthan retja'ŋa.
Ga waripum ŋaya bayiŋ yaka ŋuthan ŋäpaki'wura ŋayiŋa.
Yol dhaŋu ŋayam ?
Nyenam bayiŋ yaka ŋaya gapuŋa
Minytjim ŋaya dhaŋu minytji'minytjimi.
Yol dhaŋu ŋayam?
Nyenam bayiŋ ŋaya yaka retjaŋa.
Rumbalma ŋaya bulkami, ga wambalma ŋaya dhaŋu wikarra.
Ṉokam ŋaya bayiŋ yaka borum.
Yol dhaŋu ŋayam?
Nyenam bayiŋ ŋaya yaka retjaŋa.
Ŋarru ṉokam ŋaya bayiŋ yaka yumurrkuny ga ŋaḻapaḻminy bawalaminy.
Bala ŋaya bukawayyin ḏirramuny ŋaya ŋarru ṉoka yalŋuwa.
Nhä dhanŋu ŋayam?
Buṯthunma ŋaya bayiŋ yaka marimi ganydjarryu garrwarmurru.
Ga waripum buṯthun ŋaya bayiŋ ŋoymurru.
Yol dhaŋu ŋayam?
Nyenam bayiŋ ŋaya yaka ŋayiŋa.
Ṉokam bayiŋ ŋaya yaka ŋatha.
Nhä dhaŋu nayam?
Ŋaya bayiŋ yaka nyena warumukna mathirraŋa.
Banhalaya gormurrŋa gorthaŋa.
