Nhä ŋunhanydja yukurra wapthu'-wapthun gapukurru?

Way, garkman ŋunha.

Nhä ŋunhanydja yukurra gaḻ'yun mulmukurru?

Way, bäru ŋunha.

Nhä ŋunhanydja yukurra buṯthu-buṯthun dharpakurru?

Way, warrnyu ŋunha.

Nhä ŋunhanydja yukurra gaḻ'yun munathakurru?

Way, bäpi ŋunha.

Nhä ŋunhanydja yukurra waŋgi'-waŋgiyun mulmukurru?

Wuŋgan ŋunha.

Nhä ŋunhanydja yukurra marrtji retjakurru?

Way, gatapaŋa ŋunha.

Nhä ŋunhanydja yukurra rar'raryun man'tjarrgurru?

Way, marapalaŋ' ŋunha.

Waŋganydhu ḏaykun'thu walala yukurrana yolŋu walala nhina'nhinana wäŋaŋura, ga ŋayinydja waŋganydja dhäyka marrtjina bala ŋayi garr'yurrunana walalanha,
"Walala way, gul' ŋilimurru bala bitjan wäŋgama wiripuŋulili warraw'lili?"
"Gul' ŋilimurru," bitjarra walalanydja.

Bala walala marrtjinana.

Marrtjina walala bala-a, dharr nhäŋala djambaŋ gäyu ŋayi yukurrana gilyurruna dhärrana borummirri yurru djinawa'na rromaŋŋurana.

Bala walala marrtjina wapmaraŋalana borumdja, wiripu-guḻku'yu marrtjina wapmaraŋala gor' ga wiripu-guḻku'yu marrtjina gulkthurruna garrwarkurru gäyukurru.

Ga bay guŋnharryaŋala, ga biyapul walala marrtjina borumgu nhäŋa'-nhaŋala.

Ga ŋunhinydja walala biyapulnydja borumgu gundupuŋala ga ŋunhimalayina gäyulili ŋunhi ŋayi yukurrana ŋäṉuk gorruŋala ga nhäŋala walalanha ŋuliŋuruyi gäyuŋuru, wawuna yana walala gundupuŋala yana bini ŋunhi ŋamakuli wäŋa ŋula nhämiriw.
Ga dhiyaŋuŋga ḻinygu walala ŋarambiya djarryurruna borumgunydja ḻundukunharawu, bala ŋayinydja ŋulaŋurunydja ŋäṉuktja wapthurrunana walalaŋgala bala djarrwaṉkuŋalana walalanha.

Bäynha walala nhanukuŋu nhinana gundupuŋala dhä-ḻirrakaymirri,
"Wäy, wäy, wäy, gul' ŋilimurru marrtjina wäŋalilina ŋayi ŋilimurrunha marrtji dhuwala ŋänukthuna nyiwnyiwyun", bitjarrana.

Bala walala wäŋalilina gundupuŋala, gundupuŋalana yukurrana yanana ḻinygu ga wäŋaŋura.
Ga ŋunhalana wäŋaŋurana walala ŋoynydja ŋir'yunmina wandinyaranydja .

Adapted from the story in Burarra language by : Miriam McDonald.
Translated into Gumatj by: Marilyn Ganyinurru
Illustrations: Jackie Pascoe Ben Pascoe Marsha Ashwell Robert Williams
© Reprinted at Shepherdson C.E.C.
1998

"Ŋarranydja dhuwala waṉ'kurra, ga bitjan ŋarra yukurra waŋanydja, ŋ, ŋ, ŋ, " bitjan.
"Ga ḻukanydja ŋarra ŋuli yukurra ganguri."

"Ŋarranydja dhuwala murryil, ga bitjan ŋarra ŋuli yukurra waŋanydja, m, m, m, " bitjan.
"Ga ḻukanydja ŋarra ŋuli yukurra borum ga ŋatha maŋutji rromaŋbuy."

"Ŋarranydja dhuwala wärraŋ, ga bitjan ŋarra ŋuli yukurra nyoyundja, nyo-o-o, nyo-o-o" bitjan.
"Ga ḻukanydja ŋarra ŋuli yukurra biyay'."

"Ŋarranydja dhuwala gatapaŋa, ga bitjan ŋarra ŋuli yukurra waŋanydja, bu, bu, bu, " bitjan.
"Ga ḻukanydja ŋarra ŋuli yukurra waymi."

"Ŋarranydja dhuwala gurrumaṯtji, ga bitjan ŋarra ŋuli yukurra waŋanydja, ŋa, ŋa, ŋa," bitjan.
"Ga ḻukanydja ŋarra ŋuli yukurra räkay."

"Ŋarranydja dhuwala muthali, ga bitjan ŋarra ŋuli yukurra waŋanydja, gek, gek, gek, " bitjan.
"Ga ḻukanydja ŋarra ŋuli yukurra mulkurr wäkwak."

"Ŋarranydja dhuwala wäk, ga bitjan ŋarra ŋuli yukurra waŋanydja, wäk, wäk, wäk, bitjan.
"Ga ḻukanydja ŋarra ŋuli yukurra birrka'mirri ŋatha."

"Ŋarranydja dhuwala ḻatjlatj, ga bitjan ŋarra ŋuli yukurra waŋanydja, latj, latj, latj, " bitjan.
"Ga ḻukanydja ŋarra ŋuli yukurra birrka'mirri borum."

"Ŋarranydja dhuwala wämut, ga bitjan ŋarra ŋuli yukurra waŋanydja, wer, wer, wer, bitjan.
" Ḻukanydja ŋarra ŋuli yukurra yumurrku' ŋarirri'."

"Ŋarranydja dhuwala worr'wurr, ga bitjan ŋarra ŋuli yukurra waŋanydja, worr'wurr, worr'wurr, worr'wurr," bitjan.
" Ḻukanydja ŋarra ŋuli yukurra nyiknyik."

"Ŋarranydja dhuwala balin, ga bitjan ŋarra ŋuli yukurra waŋanydja, gut, gut, ḏam, " bitjan.
" Ḻukanydja ŋarra ŋuli yukurra yumurrku' ŋarirri'."

"Ŋarranydja dhuwala wäraŋ, ga bitjan ŋarra ŋuli yukurra waŋanydja, wir, wir, wir, " bitjan.
" Ḻukanydja ŋarra ŋuli yukurra burwu gukuwuy."

" Ŋarranydja dhuwala ḏamala, ga bitjan ŋarra ŋuli yukurra waŋanydja, ŋak, ŋak, ŋak, " bitjan.
" Ḻukanydja ŋarra ŋuli yukurra wakinmirri ga yumurrku' ŋarirri'."

" Ŋarranydja dhuwala warrnyu, ga bitjan ŋarra ŋuli yukurra waŋanydja, giriŋ, giriŋ, giriŋ," bitjan.
" Ḻukanydja ŋarra ŋuli yukurra rromaŋbuy borum ga mulkurra gathul'."

"Ŋarranydja dhuwala getkit, ga bitjan ŋarra ŋuli yukurra waŋanydja, getkit, getkit, getkit," bitjan.
" Ḻukanydja ŋarra ŋuli yukurra ŋarirri' wirikiri."

"Ŋarranydja dhuwala bäru, ga bitjan ŋarra ŋuli yukurra waŋanydja, garr, garr, garr," bitjan.
" Ḻukanydja ŋarra ŋuli yukurra nyoka."

"Ŋarranydja dhuwala wopulu," ga bitjan ŋarra ŋuli yukurra waŋanydja gam', wir', wir', wir' . " bitjan.
" Ḻukanydja ŋarra ŋuli yukurra yumurrku ŋarirri'."

"Ŋarranydja dhuwala ŋerrk, ga bitjan ŋarra ŋuli yukurra waŋanydja, ŋerrk, ŋerrk, ŋerrk," bitjan.
" Ḻukanydja ŋarra ŋuli yukurra muḻkurr ḏirrpu."

"Ŋarranydja dhuwala guḏurrku',"
ga bitjan ŋarra ŋuli yukurra waŋanydja, guḏurrk, guḏurrk guḏurrk," bitjan.
" Ḻukanydja ŋarra ŋuli yukurra yaŋara' wäkwak."

"Ŋarranydja dhuwala garkman, ga bitjan ŋarra ŋuli yukurra waŋanydja, gark, gark, gark," bitjan.
" Ḻukanydja ŋarra ŋuli yukurra wurruḻuḻ' ga munhaŋaniŋ."

"Ŋarranydja dhuwala wurrpaṉ, ga bitjan ŋarra ŋuli yukurra waŋanydja, ḏup, ḏup, ḏup," bitjan."
" Ḻukanydja ŋarra ŋuli yukurra dhalpi muḻkurr."