Maŋutji

Nhäŋa maŋutji.
Nhäŋa ŋatjil maŋutji worr'wurrnha.
Nhäma nhan gayŋa garkmannha ga nyiknyiknha mala wanaŋamiŋgan.

Nhäŋa maŋutji.
Nhäŋa ŋatjil maŋutji garkmannha.
Nhäma nhan gayŋa milkmilknha wanaŋamiŋgan.

Nhäŋa maŋutji.
Nhäŋa ŋatjil maŋutji weṯiny.
Nhäma nhan gayŋa yolŋuny goŋ-märryaŋminy.

Nhäŋa maŋutji.
Nhäŋa ŋatjil maŋutji butjikitnha.
Nhäma nhan gayŋa nyiknyiknha wanaŋamiŋgan ŋarŋgaḻi.

Nhäŋa maŋutji.
Nhäŋa ŋatjil maŋutji bikipikiny.
Nhäma nhan gayŋa butjikitnha ṉaŋ'thundaḻi.

Nhäŋa maŋutji.
Nhäŋa ŋatjil maŋutji wärruŋnha.
Nhäma gayŋa waripuny wärruŋnha malany wakalŋinyaḻi.

Nhäŋa maŋutji.
Nhäŋa ŋatjil maŋutji ŋarirriny'.
Nhäma nhan gayŋa dhupaliny.

Nhäŋa maŋutji.
Nhäŋa ŋatjil maŋutji buḻ'manydjiny.
Nhäma gayŋa wanaŋamiŋgan maranydjalknha.

Nhäŋa maŋutji.
Nhäŋa ŋatjil maŋutji wurrpaṉnha.
Nhäma nhan gayŋa ḏingu.

Nhäŋa maŋutji.
Nhäŋa ŋatjil maŋutji bäruny.
Nhäma nhan gayŋa wärruŋnha wanaŋamiŋgan ga djälmiyim nhan gayŋa guwamandawu yana nhangu.

Nhäŋa maŋutji.
Nhäŋa maŋutji ŋatjil miyapununy.
Nhäma nhan gayŋa ḏakawany ga yutjuwaḻany' ŋarrirriny mala.

Nhäŋa maŋutji.
Nhäŋa ŋatjil maŋutji boṉbany.
Nhäma nhan gayŋa waripuny boṉbany mala wakalŋinyaḻi.

Nhäŋa maŋutji.
Nhäŋa ŋatjil maŋutji yindiny bäpiny.
Nhäma nhan gayŋa waripuny bäpiny, ga djälyim nhan gayŋiya guwamandawu nhangu.

Nhäŋa maŋutji.
Nhäŋa ŋatjil maŋutji marrŋuny'.
Nhäma nhan gayŋa waripuny marrŋuny' guwamandaḻi man'tjarrḻi.

Nhäŋa maŋutji.
Nhäŋa maŋutji gaḻaŋgaminy.
Nhäma nhan gayŋa wulu, ga djälmiyim nhan gayŋa guwamandawu bayikuya.

Nhäŋa maŋutji warrnyuny.
Rangam nhan gayŋa borumgu nhan ŋarru guwaman.

Nhäŋa maŋutji woṉnha.
Nhäma nhan gayŋa djarraṯawun.

Nhäŋa maŋutji ḏamalany.
Nhäma nhan gayŋa ŋarirriny' banha nhan boyan.

Nhäŋa maŋutji djandany.
Rangam nhan gayŋa mindjirriwu banha nhanany rathan.

Nhäŋa ŋatjil maŋutji yumurrkuny'.
Nhänhami dhanal gayŋa giḻatjḻi.
Ga bitjana dhanal gayŋa birrka'yunminam yana warri dhanal rakunynha, ŋarru gulitjma ŋangawul dhanal.