Ḏärrpa
Dhaŋum bapi ŋaykaṉa Ḏärrpa ga maḏayin'ma nhan dhaŋu bukmakku Dhuwawu bilanya nhawun Rirratjiŋuwu ga Djambarrpuyŋuwu.
Warnyali
Dhaŋum bapi warnyali ŋarru Djambarrpuyŋuyu bayin gayŋa marrun buŋgulŋa.
Raŋgu'
Dhaŋum bapi raŋgu' banha bayin gayŋa ŋarkulaŋa damurruŋŋa nyena.
Burrwiṯtji
Dhaŋum bapi burrwittji ŋarru nyenam nhan bayin gayŋinya ḏamurruŋ-ŋa gapuŋa
Bathigurririmirr
Dhaŋum bäpi ŋanapu bayiŋ rakaram bathigutimi.
Goluŋguluŋ
Dhaŋum bapi goluŋguluŋ banha bayiŋ gayŋiya ḏiltjina retjamiŋa nyenan.
Yäḻurr
Dhaŋu bäpi ŋaykaṉa Yäḻurr ŋarru nyenam bayiŋ gayŋiya ḏamurruŋŋa.
Garanaŋga
Dhaŋum bapi garanaŋga ŋarru ŋangawul bayin gayŋa yolŋuyum marrunma.
Dhorray'
Dhaŋum ŋarirri ŋaykaṉa dhorray' ŋarru ŋanapu bayiŋ gayŋa gawaman.
Nyoṉ
Dhaŋum nyoṉ, ŋarru bayiŋ ŋanapu ŋangawul guwamu wow murru.
Wititj
Dhaŋum bäpi wititj ga maḏayin'ma nhän dhaŋu Gälpuwu, Birritjamawy, Waṉabuyŋuwu ga waripu dhuwawu banha dhanaliŋgu riŋgitj, buŋgul, ga madayin waŋganymurru.
Goṉinymiya
Dhaŋum bapi goṉinymiya ŋarru nyenam nhan bayin gayŋa ṉinydjiyana ga waripun nhan bayin gayŋiya nyena ḏiltjina.
